18 & 19 EBRILL 2011, GALERI, CAERNARFON

Cyfarwyddwr : ELINOR BENNETT

Cynhelir yr Wyl Delynau flynyddol yn ystod Gwyliau’r Pasg eleni, ac estynnir gwahoddiad cynnes i delynorion o bob oed i gymryd rhan yn y gweithgareddau.

Bydd tîm o diwtoriaid amlwg, yn cynnwys Eira Lyn Jones (RNCM Manceinion), Elinor Bennett, Gwenan Gibbard, Angharad Wyn Jones, Helen Davies-Mikkelborg a Gill Green yn rhoi hyfforddiant mewn grwpiau ac yn unigol. Gall aelodau’r cwrs archebu tocyn am ddim i’r ddau gyngerdd gyda’r nos.

Yr artist gwadd fydd ALAN STIVELL, y canwr-delynor eiconig o Lydaw. Ef oedd y dyn, yn fwy na neb, a greodd y diddordeb ryngwladol enfawr yn y delyn geltaidd, ac yn arbennig mewn cerddoriaeth a dawns draddodiadol Llydaw yn y 1970au. Byddwn hefyd yn dathlu tri chanmlwyddiant geni un o arwyr gwerin Cymru, gan y credir i Dafydd Owen, (Dafydd y Garreg Wen) gael ei eni ym 1711. Dewch i ymuno â ni i ddathlu a dysgu!

Nodwch ar y bonyn ateb os allwch ddod â thelyn os gwelwch yn dda.
Ni ddarperir cinio, ond bydd Caffi Doc ar agor yn Galeri neu dewch â phecyn bwyd efo chi.

Ffi gofrestru (ni ellir ei ad-dalu): £55 (yn cynnwys hyfforddiant a chyngherddau).

Cysylltwch â ni, neu cliciwch yma, am ffurflen gais, i'w dychwelyd erbyn y 15ed Mawrth 2011

•  CYNGHERDDAU  •  DOSBARTHIADAU  • CYSTADLEUTHAU  •

Canolfan Gerdd William Mathias, Rhif Cwmni 3339969, Rhif Elusen Gofrestredig 1084271